比較珍貴的咖啡有哪些貓屎咖啡很難買到嗎

作者：未知來源：手衝咖啡: 咖啡知識 > 2024-11-24 23:41:55

專業咖啡知識交流更多咖啡豆資訊請關注咖啡工房（微信公衆號cafe_style ）

貓屎咖啡系由印尼椰子貓（一種麝香貓）嘅糞便作爲原料所生產嘅咖啡，而象屎咖啡都系同一道理，以大象嘅糞便作爲原料去生產咖啡。

其實象屎咖啡系由一個旅居泰國嘅加拿大人Blake Dinkin所創立，靈感來自貓屎咖啡，由於佢知道貓屎咖啡其實系將麝香貓困喺籠，再強行喂佢哋食咖啡豆，先生產出咁珍貴嘅貓屎咖啡，佢覺得呢種方法太唔人道，所以Blake就想生產一種既環保，又唔傷害動物嘅特別咖啡，於是就諗到俗稱“象屎咖啡”嘅“黑象牙咖啡”（Black Ivory Coffee）。

Blake Dinkin同泰國北部嘅酒店合作，佢哋餵養20只大象，然後讓佢哋自由自在咁活動，再從佢哋嘅糞便提煉出咖啡。

首先要人手採摘新鮮咖啡豆。

將飯、香蕉同咖啡豆撈埋一齊。

再拎去喂大象。

跟住由得大象自由地周圍走。聽講象屎咖啡之所以咁好飲，系因爲咖啡豆喺大象嘅胃裏面天然發酵，再加上大象嘅胃酵素可以去除咖啡豆嘅苦味，所以煮出來嘅咖啡唔單隻有天然草香同果香，仲幾乎冇苦味。

經過17個鐘左右，大象就會便便。

而收集工人就要從象糞中執出咖啡果實。

然後再清洗萃取，纔有最後嘅咖啡豆。

跟住就可以煮出全世界最貴嘅咖啡——“象屎咖啡”。

其實象屎咖啡之所以咁貴，系因爲要生產一公斤象屎咖啡，就要讓大象食33公斤咖啡豆，而且有時大象會喺人哋執唔到咖啡豆嘅地方大便，所以和貓屎咖啡一樣每一粒都得來不易。