咖啡，勿單單是公認個一種飲料，外加還是僅次於石油、可以辣辣世界市場浪合法買賣個期貨。因歷史個原因，歐美辣阿拉國民心目中一直爲時髦發達個標誌，所以當咖啡一進入上海灘，再加上本身成本高昂，價鈿自然勿菲。要論咖啡垃中國最普及個城市我想應該是上海。上海人向來喜歡趕時髦、別苗頭、扎臺型，所以喫咖啡與其講是一種口舌享受，勿如講是一種生活方式搭市場個標記，並逐步發展成一種優雅時尚城市生活個符號，咖啡館也因此撥拉廣泛應用到城市硬件建築之中。可以提升整條馬路個時尚指數搭文化氛圍。舊上海個霞飛路(現淮海路)和靜安寺路(現南京西路)之所以垃拉上海地圖浪風景這邊獨好，就搭咖啡館個密集有相當關係。光想想伊拉個名字――Hot Chocolate(沙利文)、DDS(甜甜絲)、Rosemary、 Mars(東海)、Jimmy(吉美)、Philadelphia(飛達)、老大昌、凱司令、康生咾啥，好比夜空中閃閃繁星裝飾了一個喧鬧多彩個都市。

咖啡館派生出一道最絢麗個文化色彩就是具有異國風情溫馨浪漫。但是要辣辣老上海站住腳，哪怕最時尚、最摩登個咖啡館也要根據勿同個服務對象搭環境打勿同個牌。老上海咖啡館一般分爲兩大類，一類是商務行政型個，像位於大馬路(南京東路)的Mars(東海)、德大，因四周洋行銀行密集，所以店堂個佈置側重敞亮方正，比較硬氣，有利於公司與客戶個接待。中央商場個Jimmy(吉美)辣筆者印象裏向，面積勿大，但原木白柸個卡座，用鹼水刷得雪白潔淨。咖啡杯是一種白底藍邊個粗瓷，同時還供應三明治、熱狗之類個簡餐，完全爲了方便周邊工作個白領午餐。吉美一直開到“文化大革命”，伊拉個草莓冰淇淋至今令我齒舌留香……

而到了稱爲上海時尚地標個靜安寺路，電影院、夜總會、舞廳遍佈四周，是情侶搭時髦人最中意個地方。搿搭個咖啡館當然要極力營造一種溫馨浪漫個氛圍。可惜我養得晏【晚、遲】了幾年，無緣感受到老海派咖啡館個氛圍，幸虧還來得及看到伊拉遠遠逝去個背影。

海派文化個精髓就在於以最低個成本推出最有特點個精緻。咖啡館個本意辣辣國外就是單售咖啡、茶以及簡單個點心。不過到了上海，或許出於店鋪租金個昂貴，當然還有消費者個需要，一般老上海咖啡館儕搭西餐合二爲一，集門市外賣，包括糖果、餅乾、曲奇糕點、午茶、冰淇淋於一身個多元經營。爲了競爭，除了咖啡外，還形成了每家咖啡館各自個拳頭產品，如老大昌個拿破崙蛋糕、凱司令個栗子蛋糕、沙利文個牛茶雞茶、天鵝閣個奶油雞絲焗面、東海個檸檬派、吉美個草莓冰淇淋、飛達個雞卷、起士林顆粒飽滿又濃又香個濃味咖啡糖……相比之下，雖然今朝上海咖啡館遍佈各處，但除了紅寶石個奶油小方之外，儂還能想起搿些咖啡館有哪些特色個糕點小喫呢?講穿了只勿過是星巴克個翻版，而勿是Made in Shanghai個風味。

咖啡種類交關多，但其實就分兩大類：歐式搭美式。老上海往往流行喝香而濃個歐式咖啡。隨着咖啡個普及搭美式文化個搶灘，特別是1938年雀巢速溶咖啡個問世，二次大戰勝利後，上海年輕人開始愛上了香而淡、量偏大(用馬克杯)個美式咖啡。假使嘸沒記錯，吉美就是抗戰前上海較少個一家比較典型個美式咖啡館。

吉美辣上海有兩家，一家辣辣中央商場，另外一家辣辣四川路。講起來四川路搿家吉美還是沿馬路個，又敞亮，位置比中央商場裏向個好。但正應了商家個一條鐵律“地段、地段、還是地段”，四川路搿家就是做勿過中央商場。